„მწვანე წერტილი“ - ეს სიმბოლო მიგვითითებს, რომ აღნიშნული პროდუქტის წარმოება ეკოლოგიურად  სუფთა გარემოში მიმდინარეობს და მისი ნარჩენები ექვემდებარება გადამუშავებას. ეს ეკონიშანი ეკუთვნის 1991 წელს გერმანიაში შეიქმნილ სააქციო საზოგადოებას - Duales System Deutschland (DSD). DSD გამოყენებული და გადამუშავებას დაქვემდებარებული შესაფუთი მასალების შეგროვების, ტრანსპორტირებისა და დახარისხების ორგანიზებას ახდენს. იგი ფინანსდება სალიცენზიო მოსაკრებლით, რომელსაც იხდიან ეკომარკირება „მწვანე წერტილი“-ს მქონე შესაფუთი მასალების მწარმოებლები და ის მეწარმეები, რომლებიც ამ შესაფუთ მასალას იყენებენ. 1993 წ-დან  „მწვანე წერტილს“ შეუერთდნენ ევროკავშირსა და მსოფლიოს სხვა ქვეყნებში.

ევროკავშირის ეკონიშანი - 1992 წ. ევროკომისიამ მოიწონა საერთო ევროპული  ნებაყოფლობითი ეკოლოგიური პროგრამა.  „ეკონიშანი“ იმ პროდუქტებსა და მომსახურებას ენიჭება, რომლებიც გარემოს დაცვის მაღალ სტანდარტებს აკმაყოფილებენ: ნაკლებად აბინძურებენ გარემოს, ახასიათებთ ექსპლოატაციის დიდი ვადები და ექვემდებარებიან გადამუშავებას.

ეკონიშანი „დედამიწისადმი მეგობრული“ (Earth Friendly) მიღებულია იაპონიის გარემოს დაცვის ასოციაციის (The Japan Environment Association) მიერ და აღნიშნავს რომ ამ ნიშნის მქონე პროდუქციის წარმოება ნაკლებად აბინძურებს გარემოს. სასერტიფიკაციო კრიტერიუმები მოიცავს პროდუქციის სასიცოცხლო ცილკის ყველა ეტაპს (ნედლეულის დამზადება-მოპოვება, წარმოება, გამოყენებ, უტილიზაცია). ეკომარკირება ფუნქციონირებს 1989 წ.-დან.

„მწვანე ბეჭედი“ შექმნილია GEN-ის წევრი, ამავე სახელწოდების მქონე ეკოლოგიური სერტიფიკაციის ერთ-ერთი წამყვანი არასამთავრობო ორგანიზაციის მიერ (აშშ).   დაარსების  დღიდან (1989 წ.)  მის მიერ გაცემული სერტიფიკატებიი ამტკიცებს პროდუქციის უვნებლობას ადამიანისა და გარემოს მიმართ. 

„სიცოცხლის ფოთოლი“   ეკუთვნის რუსეთის ეკომარკირების სისტემას, რომელიც  ჩამოყალიბდა 2007 წელს. ეკონიშანი შემუშავებულია სანკ-პეტერბურგის ეკოლოგიური კავშირის «Листок жизни»-ს მიერ, რომელმაც რუსეთში პირველმა მოიპოვა   უფლება გასცეს პროდუქციის საერთაშორისო დონის  ეკოლოგიური სერტიფიკატი.

„მწვანე წერო“ უკრაინის ეკონიშანი ოფიციალურად რეგისტრირებულია GEN-ის მიერ 2004 წელს და სრულად შეესაბამება პროდუქციის ხარისხზე საერთაშორისო მოთხოვნებს. ამ ეკონიშნის გამოყენების უფლება ენიჭება მხოლოდ იმ საწარმოებს, რომელთა პროდუქციამ  გაიარა სერტიფიცირება სრულიად უკრაინულ საზოგადოებრივ ორგანიზაცია  „ცოცხალ  პლანეტაში“.